beannachdan tèicneòlais agus eile

Tha gaol agam air an inneal MP3 agam! :-D Hmm, a bheil sibh dhen bheachd gu bheil seo neònach? Is dòcha gu bheil. Ach tha mi dìreach cho toilichte gu bheil an t-inneal beag seo agam, tha e uabhasach feumail. Fhuair mi e aig mo cho-latha breith bhon duine agam :-) Chuir mi mòoooran ciùil air, agus stuth eile cuideachd: faidhlean bho Radio nan Gaidheal agus faidhlean ann an cànanan eile... agus dhìochuimhnich mi dè gu eagarra a tha ann, o chionn 's nach bi mi ag èisdeachd riutha cho tric 's a bu toigh leam. An-dè bha mi nam shuidhe anns a' bhus agus ag èisdeachd ri siud is seo, agus thachair mi ri faidhle air leth inntinneach: Bha cuideigin (Aonghas MacNeacail, tha mi a' smaoineachadh) a' dèanamh agallamh ri Ruaraidh MacThòmais. Abair Gàidhlig àlainn a tha aige-san! Bu chòir dhomh a' bhàrdachd aige a leughadh a-rithists... agus nach eil film ann air a bheatha? Ar leam gun robh sin aig "Film Alba" ann am Bonn uaireigin...

Rud eile - inneal eile - tha càmara agam a-rithist, yay! :-D Nikon F301 a th' ann, tè a bha mi ag iarraidh o chionn fhada... Uill, bidh mòran daoine ag ràdh: Dè an sgudal seann-fhasanta a tha seo? Ach tha mise measail air dealbhan a thogal anns an t-seann dòigh! :-P
Tha mi an dòchas gum bi an càmara ceart gu leòr. Cha deach a chleachdadh o chionn fhada, ach bha na batteries ann fhathast... agus leig aon dhiubh a-mach an stuth, eeeeh, a tha ann (haha, duilich, chan eil fhios agam ciamar a chanas mi sin 'sa Ghàidhlig). Gu fortanach cha deach e a-steach dhan chàmara fhèin, cha deach e ach dhan bhocsa fon chàmara far a bheil na batteries - no tha mi an dòchas gur ann mar seo a tha e.
Togaidh mi dealbhan a-màireach agus chì mi...


Tha naidheachd eile agam: Tha seòmar comhraidh Gàidhlig ann a-rithist. Tha mi an dòchas gun còrd e ruibh :-)
Nise, feumaidh mise an seòladh lìn agam fhìn air ais fhathast (mona-nic-leoid.de). Chaidh rudeigin ceàrr leis o chionn greis, ach chan e mise as coireach. Na cuiribh earbsa ann an rudan mar sin bho "charaidean", gun chumhnant!

Co-dhiù, thàinig naidheachd bhrèagha eile thugam 'sa mhadainn an-diugh. Bha fios agam mar-tha gu bheil dàn no dhà bhuam anns an iris ùr aig GATH, ach cha robh dùil agam air seo: Dh' fhosgail mi litir, agus bha seic ann :o An toiseach cha robh mi a' tuigsinn dè bha ann idir... bha mi a' smaoineachadh gun robh e bho Chomhairle nan Leabhraichean agus gun robh mi air pàigheadh cus no rudeigin, ach an uair sin chunnaic mi am meud... bha an t-iongnadh orm gun teagamh! :-) Tha mi an dòchas gum faigh mi an t-airgead seo ceart gu leòr tron bhanca Ghearmailteach agam...
Agus chan fhaca mi an iris ùr seo aig GATH gu ruige seo idir, hehe. Bu chòir dhomh "fo-sgrìobhadh" a dhèanamh, tha mi a' smaoineachadh... Tha mi air ordugh a chur ri Comhairle nan Leabhraichean, ach thuirt iad nach eil an iris aca an-dràsda agus feumaidh mi feitheamh seachdain no dhà... ach chan eil mi buileach cinnteach a-nis an e sin an iris as ùire co-dhiù, hmmm. Chì mi :-) Agus tha mi a' sgrìobhadh rudan ùra cuideachd.

3 freagairt(ean)

sgrìobh... Blogger tearlach61

'S inntinneach a tha sin, tha inneal-mp3 a'tighinn thugam-sa. Bha dùil agam gum biodh e ann aig àm na Nollaig ach chuir iad thugam an inneal ceàrr 's chuir sinn air ais thuca-sa e. 'S dòcha gum bith e agam ann an ùine nach bi fad.

Dè seòrsa de dh'inneal a cheannaich tu? 'S e ARCOS av-500 a tha a' tighinn thugam-sa. Tha e beagan nas motha na mhòr chuid saoilidh mi gum bith gu math freagarrach dhomh.

8:10 nachm.  
sgrìobh... Blogger mona

Hi Chuck :-)
cha do cheannaich mise e idir, fhuair mi e airson co-latha breith (nach buidhe dhomh, hehe). 'S e Samsung air choireigin a th' ann, agus mas math mo chuimhne, tha 4 GB ann. Tha sin ceart gu leòr dhomh-sa :-)

1:00 vorm.  
sgrìobh... Blogger Lilian Nikky

Is e an t-ainm a th 'orm lilian. Is e latha glè thoilichte mo bheatha a tha seo air sgàth an taic a thug Dr.saguru dhomh le bhith a' cuideachadh le bhith a 'faighinn air ais dhan t-seann duine leis an draoidheachd draoidheachd agus draoidheachd. Bha mi pòsta airson 6 bliadhna agus bha e cho uamhasach oir bha an duine agam a 'cur dragh orm agus bha mi a' sireadh airson sgaradh-pòsaidh ach nuair a nochd e air post-d Dr.saguru air an eadar-lìon air mar a chuidich e uiread de dhaoine a 'faighinn an ex back Agus cuideachadh a 'càradh càirdeas agus a' toirt air daoine a bhith toilichte san dàimh aca. Mhìnich mi mo shuidheachadh dha agus an uairsin iarraidh air a chuideachadh ach airson an iongnadh as motha a chuir e ormsa gun cuidich e mi leis a 'chùis agam agus an-seo tha mi a-nis a' comharrachadh gu bheil an duine agam air atharrachadh gu math airson math. Tha e an-còmhnaidh ag iarraidh a bhith leamsa agus chan urrainn dhomh rud sam bith a dhèanamh às aonais an latha an-diugh. Tha mi a 'còrdadh rium gu mòr ris a' phòsadh agam, dè a tha fìor shoirbheachail. Cumaidh mi air deuchainn air an eadar-lìon seach gu bheil Dr.saguru fìor dha-rìreabh. A bheil feum agad air cobhair a dhèanamh air a 'cheangal a th' aig an neach-ealain SAGURU A-NIS VIA E-MAIL: drsagurusolutions@gmail.com no whatsapp +2349037545183 Is e an aon fhreagairt a tha air do dhuilgheadas agus a bhith gad dhèanamh toilichte leis a 'chàirdeas agad.
1 LOVE SPELL
2 GUN A-STEACH A-STEACH
3 FRAITHEAN A 'BHOB
4 SPORADH PROMOTION
5 SPÒR DÌON
6 SPÒR GNÌOMHACH
7 SPÒR-OBRACH DAOINE
8 SPOT SPÒRS AN LOTARA AGUS CÙISEAN CÙISEAN.

1:00 nachm.  

sgrìobh do bheachd!

<< air ais dhan bhlog